Ballina / KOSOVA / Blerim Rexha në KTV: Ministri Bytyqi ka rekomanduar shuarjen e universiteteve
masht-

Blerim Rexha në KTV: Ministri Bytyqi ka rekomanduar shuarjen e universiteteve

Blerim Rexha, ish-drejtor i Bordit të Agjencisë së Kosovës për Akreditim, ka akuzuar ministrin e Arsimit, Shyqiri Bytyqi, për “fshehje dore” në rastin e vendimit të mosakreditimit të tri universiteteve publike, në Pejë, Mitrovicë e Prizren.

Sipas Rexhës, vetë ministri Bytyqi kur kishte marrë mandatin kishte bërë një studim fizibiliteti dhe kishte nxjerrë rekomandim që këto universitete dhe disa të tjera publike duhet të mbyllen, ndërsa tani ministri ka kritikuar Këshillin Shtetëror të Cilësisë për vendimin e së hënës.

“Që situata në arsimin e lartë s’është mirë e dimë të gjithë. Në krahasim me rajonin e Evropën, jemi të fundit. Kur edhe shohim deklaratat e ministrit janë sikur fëmijët që gjuajnë gurin e fshehin duart. E largoi fillimisht atë komision dhe më pas bëri raportin e fizivilibetit. Dhe aty thuhet se Gjakova, Peja, Mitrovica e të tjerët do të mbesin pa universitete. Qysh atëherë ka bërë të qartë që të mbyllen këto universitete. Ka bërë studim fizibiliteti. Nuk e di me kë e ka bërë. Ka dalë me rekomandim që këto universitete të shuhen. Kur ka pa tani se kjo do të kthehet ndoshta në vota, fsheh dorën dhe hedh fajin te Këshilli Shtetëror i Cilësisë”, ka thënë Rexha në Rubikon të KTV-së.

Ai ka thënë se nuk pret rezultate më të mira nga ky ministër.

Ka fajësuar edhe udhëheqësit e universiteteve se nuk i kanë marrë me seriozitet rekomandimet e KShC-së.

Provo po ashtu

Philip S. Kosnett

Kosnett: Për herë të parë ekstradohet kosovari për gjykim në SHBA

Philip Kosnett, ambasadori i Shteteve të Bashkuara të Amerikës në Kosovë,ka deklaruar se sot për …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.