Ballina / KOSOVA / Babait i cili bartte djalin e tij invalid me traktor, sot iu dhurua një veturë
babai i invalidit podujeve

Babait i cili bartte djalin e tij invalid me traktor, sot iu dhurua një veturë

Traktori ishte mjeti me të cilin babai nga fshati Merdarë i Podujevës, dërgonte të birin invalid tek doktori.

Por, sot Ilaz Abdullahit i cili jeton vetëm me të birin invalid 29 vjeç, iu dhurua një veturë dhe gjëra të tjera elementare, në mënyrë që të i lehtësohet sado pak jeta e tyre.

Ilaz Abdullahit me rastin e dhurimit të kësaj veture u shpreh i gëzuar duke i falënderuar të gjithë donatorët për kontributin e tyre. Ai tregoi për vështirësitë që haste kur barte djalin e tij me traktor.

“Djalin para se me pru ju këtë veturë e kam bartë me një traktorë qashtu qysh kom mujt. E tash masi e keni pru këtë, Zoti ju shpërbleftë e ju gëzoftë gjithë juve e shoqërinë e Kosovës . Gjithë ata që kanë dhanë për këtë djalë me i ardh lehtë e ma lehtë për këtë botë, ju falënderoj të gjithëve krejt shoqërinë e juve shokët e dashamirët në diasporë. E falënderoj Arsimin, Hazirin e Podujevës edhe juve të gjithëve, për këtë ndihmë.”

“Nuk është bashkë kollaj po është dashur më i përballu të gjitha, se nuk u kanë lehtë por, prapë ju them shumë faleminderit. Goxha shpesh u duft me dërgue atje, ani këtë kohë të dimrit qito gripa u duft me dërgu te mjeku” u shpreh ai nën gëzimin e lotëve që mezi i mbante

Përveç veturës, kësaj familje iu dhuruan edhe një karrocë për djalin invalid, derivate për veturë. Po ashtu kësaj familje iu sigurua servisimi i veturës kurdo që të ketë defekt, si dhe gjëra tjera elementare.

Iniciator i këtij aktiviteti ishte Fitim Haziri këshilltar nga LVV si dhe donatorë, shokë e farefis të tjerë bëmëmirës. Haziri u shpreh i tejet i lumtur kur e pa gëzimin e djalit invalid, kur ai e pa veturën.

“Ajo që më ka bërë të marrë këtë iniciativë është se kur e kemi parë babain duke bartur me traktor djalin e tij të sëmurë në kushte të vështira atmosferike. Ishte me të vërtet kënaqësi kur e pash djalin që kur e pa veturën u gëzua tej mase”, tha Haziri.
Haziri në fund shtoi se shteti duhet të përkujdeset me shërbime për këtë lloj kategorie, siç ndodh në vendet tjera të botës.

Për mjetet financiare të cilat janë siguruar, sipas Hazirit nga shokët e donatorë të tjerë nga diaspora janë mbledhur gjithsej 1710 euro e 500 franga, ku nga të cilat 1100 ka kushtuar vetura, 295 regjistrimi bartja dhe vazhdimi i lejes, sipas tij, familjes i kanë mbetur edhe 315 euro e 500 franga .

Check Also

mishi i prishur

Musliu: Të shtohet kontrolli në thertoret vendore

Kuvendi i Kosovës po debaton për skandalin e mishit në Kosovë, i thirrur nga deputetja …

Leave a Reply

Your email address will not be published. Required fields are marked *