bisedimet, ashton

Ashton paralajmëron javë të vështira

Bruksel: Para pak çastesh ka përfunduar takimi i dy presidentëve, ai i Presidentës së Kosovës Atifete Jahjaga dhe homologut të saj nga Serbia, Tomislav Nikolic.

Pas përfundimit të takimit, Nikolic ka mbajtur konferencë për shtyp ku ka deklaruar se prapa dyerve të mbyllura qëndrimet e tij nuk janë përputhur me ate të Jahjagës, e cila sipas tij flet me ‘fjalorin e mësuar në librat shkollore’.

Në këto çaste është prononcuar edhe Baronesha Catherine Ashton, shefja e diplomacisë së Bashkimit Europian, e cila para takimit të përbashkët ‘Ashton, Jahjaga, Nikolic’ kishte mbajtur takimet e ndara me dy presidentët.

“Takimi është mbajtur në frymën e normalizimit të marrëdhënjeve mes dy palëve”, ka deklaruar menjëherë pas takimit Ashton, e cila konsideron se takimi është mbajtur në ‘frymë konstruktive’.

Kemi diskutuar për dialogun e deritashëm të cilin unë e facilitoj dhe që aktualisht mbahet mes dy kryeministrave, ka shpjeguar Ashton. “Dialogu ka prodhuar disa rezultate sinjifikante falë angazhimit konstruktiv të të dy palëve. Tani jemi duke e prekur çështjen e veriut të Kosovës, së këndejmi javët e ardhshme do jenë kritike. Të dytë, Nikolic e Jahjaga kanë siguruar se do të mbështesin edhe më tej dhe do ti përkushtohen dialogut si dhe agjendave europiane”, ka theksuar mes tjerash Ashton.

Ajo ka përsëritur se Kosova e Serbia kanë perspektivë europiane dhe ka ftuar palët të vazhdojnë përpjekjet e tyre drejt Bashkimit Europian./infoglobi

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.