Arrestohet në Greqi rusi i dyshuar për pastrim parash përmes Bitcoin

Policia greke ka arrestuar një person nga Rusia, i dyshuar si udhëheqës i një operacioni për pastrimin e parave.

Burri 38 vjeç, identiteti i të cilit nuk është zbuluar, dyshohet se ka kthyer 4 miliardë dollarë të përfituar nga biznese të jashtëligjshme në valutën digjitale “Bitcoin”, kanë thënë autoritetet greke të mërkurën.

Ai është arrestuar të hënën në pjesën veriore të Greqisë, bazuar në një fletarrest të Shteteve të Bashkuara të Amerikës, njofton Reuters.

Ai dyshohet se ka udhëhequr një grup kriminal që nga viti 2011.

Në anën tjetër, Ministria e Jashtme ruse ka thënë se nuk ka informacione lidhur me rastin.

Monedha digjitale Bitcoin ka vështirësuar punën e rregullatorëve financiarë tradicionalë, meqë mundëson transaksione të fshehura.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.