Ballina / RAJONI / Arnautoglu: Rreziku nga reshjet në Shqipëri nuk ka kaluar ende
vjosa_infoglobi

Arnautoglu: Rreziku nga reshjet në Shqipëri nuk ka kaluar ende

Sinoptikani grek, Sakis Arnautoglu, i cili qe i pari që parashikoi reshjet e dendura të shiut, që do të derdheshin mbi vendin tonë, shprehet se rreziku nuk ka kaluar ende.

Ai tha se ndonëse do të ketë një përmirësim të lehtë të kushteve atmosferike, mbrëmja e të shtunës dhe mëngjesi i të dielës, mund të sjellin situata akoma më të rënduara.

“Për fat të keq u vërtetuan parashikimet për sa i përket sasisë së ujit që sollën reshjet dhe duket se do kemi një përmirësim të kohës gjatë ditës së shtunë, pasi fenomenet do të përmirësohen dhe do të kemi pra një mot më të mirë të shtunën, me rrebeshe lokale dhe më të dobëta. Ajo që duhet të kemi kujdes, është nata e së shtunës, duke u gdhirë e diela, sepse do kemi përsëri shtrëngata shiu, që do mbajnë pak, por do të jenë më të fuqishme dhe për shkak se toka është e tejngopur me ujë, nuk përjashtohet mundësia e fenomeneve që kishim në orët e kaluara”, tha Sakis Arnautoglu.

Sipas tij duhet kujdes deri të hënën në mëngjes, ku do të kemi përsëri disa shtrëngata lokale shiu, por edhe pse këto nuk do të kenë sasi kaq të mëdha uji, mund të shkaktojnë përmbytje të njëjta.

 

Check Also

Tahiri

Tahiri dorëzon pasaportën, “Opinion” zbulon gjësendet e sekuestruara

Pas vendimit të gjykatës së krimeve të Rënda, e cila e ndalon ish ministrin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *