Ballina / KOSOVA / Ambasadori amerikan Scott: Shtetet e pastra etnike – joreale dhe të rrezikshme
kyle-scott

Ambasadori amerikan Scott: Shtetet e pastra etnike – joreale dhe të rrezikshme

Ambasadori amerikan në Beograd, Kyle Scott, sot është shprehur qartë se SHBA-ja është kundër idesë së shteteve një etnike.

‘Ideja për krijimin e shteteve etnikisht të pastra në Ballkan është jo reale dhe e rrezikshme. Kudo që të shënohet kufiri, pres që të dy shoqëritë të mbesin multietnike”, ka thënë Scott, për javoren serbe NIN.

Diplomati amerikan ka thënë se nuk ka vija të kuqe sa i përket kësaj çështje megjithatë ka potencuar se SHBA-ja nuk e pranon çfarëdo marrëveshje.

Lidhur me këto deklarata ka folur presidenti i Serbisë, Aleksandër Vuçiq, i cili ka thënë se i respekton qëndrimet e ambasadorit Scott, megjithatë sipas tij Serbia ka pikëpamjet e veta në këtë çështje.

Vuçiq këtë përgjigje e ka dhënë duke thënë se nuk e ka lexuar këtë intervistë të ambasadorit Scott.

Kundër idesë së shkëmbimit të territoreve dhe lëvizjes së kufijve ka dalë sot edhe top-diplomatja gjermane, Sabine Stohr.

“Pozicioni i Gjermanisë është i pandryshueshëm, në jemi kundër shkëmbimit të territoreve ndërmjet Prishtinës dhe Beogradit. Sepse analizat tona tregojnë se një gjë e tillë nuk dërgon në një zgjidhje të qëndrueshme për të gjitha komunitetet”, ka thënë Sabine Stohr, shefe e Divizionit për Ballkanin Perëndimor në Ministrinë e Jashtme të Gjermanisë.

Ditë më parë krerët e shtetit serb kishin lëshuar disa deklarata të ashpëra në drejtim të ambasadorit amerikan, Scott, i cili kishte thënë se Republika e Kosovës është një shtet i pavarur dhe sovran.

@Fluidi

Provo po ashtu

Gjenerali Salvatore Cuoci shpjegon rolin e KFOR-it pas transformimit të FSK-së

NATO ka qëndrim shumë të qartë. Aleanca e përkrahë zhvillimin e FSK-së në mandatin e …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.