Ballina / KOSOVA / AGK reagon pas sulmit ndaj gazetarit Valon Rashiti
mediat

AGK reagon pas sulmit ndaj gazetarit Valon Rashiti

Asociacioni i Gazetarëve të Kosovës (AGK) ka reaguar rreth sulmit ndaj gazetarit Valon Rashiti.

Gazetari i T7 e ka njoftuar AGK-në se është sulmuar rreth orës 19.00 te Qendra e Klinike Universitare e Kosovës nga disa persona.

Sipas reagimit të AGK-së, gazetari Rashiti ka thënë se ishte në hapësirat e QKUK-së, duke raportuar nga afër për një rast të plagosjes së dy personave që kishte ndodhur në orët e pasdites në Prishtinë, ku familjarët e njërit nga të plagosurit janë vërsulur në drejtim të tij, me ç’rast e kanë goditur në kokë.

“Asociacioni i Gazetarëve të Kosovës e ka pranuar me mjaft shqetësim këtë rast dhe vazhdon të jetë në kontakt të vazhdueshëm me gazetarin në fjalë, të cilit i ka rekomanduar që menjëherë ta paraqes rastin në stacionin më të afërt policor”, thuhet në reagimin e AGK-së.

AGK u ka bërë thirrje institucioneve përkatëse, Policisë dhe Prokurorisë, që ta trajtojnë me seriozitet këtë rast dhe sulmuesi të sillet para drejtësisë.

“Kujtojmë se ky sulm përbënë cenim të drejtpërdrejt të punës së mediave dhe gazetarëve në informim të qytetarëve”, thuhet më tej në reagim.

AGK që nga janari deri më sot ka regjistruar 12 raste të kërcënimeve dhe sulmeve ndaj gazetarëve, përfshirë edhe rastin e sotëm.

@Fluidi

Provo po ashtu

Spitali i ri pediatrik me Kardiokirurgji, por pa staf mjekësor

Spitali i ri pediatrik me Kardiokirurgji, por pa staf mjekësor

Spitali pediatrik brenda Qendrës Klinike Universitare të Kosovës, tashmë ka filluar të ndërtohet. Ky spital …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.