Ballina / BOTA / 50-vjetori i misionit Apolo: ShBA-ja gati për hapin tjetër gjigant

50-vjetori i misionit Apolo: ShBA-ja gati për hapin tjetër gjigant

Në 50-vjetorin e uljes së parë të njerëzimit në Hënë, zëvendëspresidenti amerikan, Mike Pence, vlerësoi për realizimin e tyre të shkëlqyer tre astronautët amerikanë, të cilët ndihmuan në realizimin e kësaj ngjarjeje historike.

“Ata bënë shumë më tepër se sa të fituan garën hapësinore, ata e bashkuan për një moment të shkurtër, kombin tonë me të gjithë popujt e botës “, tha zoti Pence në ceremoninë me rastin e përvjetorit që u mbajt në Qendrën Hapësinore Kennedy në shtetin jugor të Floridës .

Ai shtoi se “megjithë rreziqet që morën, astronautët nuk e kanë pëlqyer idenë që të quhen heronj. Por në se Neil Armstrong, Buzz Aldrin dhe Mike Collins nuk do të quheshin heronj, atëherë heronjtë nuk ekzistojnë,”- tha zoti Pence, mes duartrokitjeve entuziaste të të pranishmëve.

Më 20 korrik 1969, moduli hënor amerikan i quajtur “Eagle” zbriti në Hënë dhe astronauti Neil Armstrong, i cili u nda nga jeta në vitin 2012, kreu ecjen e parë në sipërfaqen e Hënës.

Zbritja në Hënë ishte një arritje e madhe diplomatike dhe teknologjike e periudhës së Luftës së Ftohtë për Shtetet e Bashkuara. Ish Bashkimi Sovjetik kishte çuar më parë në hapësirë njeriun dhe satelitin e parë.

Presidenti Donald Trump tha në një deklaratë të shtunën se zbritja në hënës ishte një hap i madh për misionet hapësinore në të ardhmen. “Unë e kam udhëzuar Administratën Kombëtare të Hapësirës (NASA) që të dërgojë njeriun dhe gruan e parë në Hënë dhe të marrë hapin e ardhshëm gjigand – duke dërguar amerikanë në Mars”.

Administrata ka nisur planet për t’u kthyer në Hënë deri në vitin 2024 dhe të shkojë në Mars për herë të parë deri në vitin 2033.

Provo po ashtu

grenlanda, akulli, nasa

Grenlanda po shkrihet

Shkaku i nxehtësisë së gushtit do të shkrihen rreth 197 miliardë tonë akull që ndodhen …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.