prishtina

13 punëtorë shëndetësorë në Prishtinë dërgohen në vetizolim

13 punonjës shëndetësor të mjekësisë urgjente në Prishtinë janë dërguar në vetizolim si pasojë e kontaktit që patën me 59-vjeçarin e prekur nga Covid 19, i cili ndërroi jetë në orët e hershme të mëngjesit të sotëm.

Sipas Drejtorit të Shëndetësisë në Prishtinë, Bujar Gashi, në Prishtinë janë 19 persona që kanë rezultuar si të infektuar me koronavirus.

“Janë 13 punëtorë shëndetësor të mjekësisë urgjente janë dërguar në vetizoli,m që të gjithë ata kanë pasur kontakt me personin tashmë të ndjerë në Prishtinë”, ka deklaruar Gashi për Express.

Tutje ai ka dhënë detaje rreth masave që i ka marrë komuna e Prishtinës për mbrojtje nga koronavirusi

Gjendja momentalisht sa i përket  qytetarëve të infektuar me Covid 19 në komunën e Prishtinës, rezulton të jetë stabile. Ne jemi duke punuar 24 orë në 7 ditë të javës për t’u dalë në ndihmë qytetarëve, ka deklaruar Gashi.

Ai ka deklaruar po ashtu se Komuna e Prishtinës në bashkëpunim me kryetarin e komunës është marrë vendim për mbylljen e shesheve për qarkullim për qytetarët.

“Të gjitha vendimet që merren nga ana e kryetarit diskutohen edhe me drejtorinë për Shëndetësi.  Janë marrë masat për kufizimin e lëvizjes në sheshin kryesor të Prishtinës. Kemi konsideruar se kjo gjë në masë të madhë do të ndohmojë në parandalimin e përhapjes së Covid 19 në Prishtinë”, sqaron Gashi.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.