FSK-ja ushtri, nuk e ka pëlqimin e NATO-s
09 / 02 / 2013, 9:36
Kosova mund të vendosë që ta transformojë Forcën e Sigurisë të Kosovës në ushtri të vërtetë, por një hap i tillë nuk do të pëlqehet aspak tani nga NATO-ja.
Kështu tha një zyrtar i lartë i NATO-s, në një bisedë me “Kohën Ditore”, duke shpjeguar se “statusi i ardhshëm” i FSK-së është ende “i paqartë” dhe mbetet temë diskutimesh edhe brenda Aleancës Veriatlantike.Katër nga 28 shtetet anëtare të NATO-s nuk e njohin Kosovën si shtet të pavarur dhe ato nuk duan që Kosova të ketë ushtri, ka thënë ky zyrtar i lartë i Aleancës Veriatlantike, duke folur me kusht që të mos i përmendej emri.
Shtetet anëtare të NATO-s që nuk e njohin Kosovën janë: Greqia, Spanja, Rumania dhe Sllovakia.
